Le(n)a's Adventure

Neuseeland und Australien

01März
2014

Australien - Ostküste

Koala Koala Koalafüessli Koalaflüschterin Koalas sleep most of their lifetime Kangaroo with a new friend Hungry Crocodile Coloured Sky Beach Coloured Sands After a bushfire Wood drawings Australian nature colours Flooded road Cyclon Surf Shop - 10$ for a Bord Aye aye captain Shipwreck, Fraser Island Shipwreck, Fraser Island Fraser Explorer Dingos Kookaburra Papagei Papagei Glasshouse Mountains Lighthouse Brisbane Nesting Turtle Reading Waran Bellingen Butterfly Bat 

 

G'day! (wie mebi de Aussies so seit ;))

Ändlech hei mir ume mau dMüglechkeit es paar Fotos vo üsere Reis zteile. Im Moment si mir in Melbourne und flüge Mitti März ad Westküste nach Perth. 

12Dezember
2013

Working in Paradise

So, iz chani mi nüm lenger vorem blogschribe drücke! Es isch mi letscht Tag hie bim Horsetrekking u när geits witer Richtig Wellington zur Lena. Sisch ja eigentlech es guets Zeiche, dasi nie zum Blogschribe chume, das zeigt wiviu spannenders hie di ganz Zit los isch! ;)

Ä normale Tag muesme sech hie so vorsteue:

Am Morge fahre mr nach emne Zmorge mit immer früschbachnigem Brot zu de Rösser. Di si öpe 5 min. vo üsem huus uf dr Farm. När muesme die fuetere u füre erscht Trek am 10i parat mache. Mir hei normalerwis immer 2 Treks a eim Tag. Eine am 10i und eine am 1. D Trekkings si zwüsche ere haubstung und 3 Stung läng. Leider sis meistens Afänger und Touriste wo chöme cho rite und dî si aube me mit Fötele beschäftiget aus drmit ires Rössli vom Seich mache abzhaute. Das cha mängisch ganz amüsant si, aber weme ä Gruppe vo 11 chinese het, wo eim aui nid richtig vrstöh, oder eim eifach ignoriere und wiud dür d Gägend träberle ischs aube de eher asträngend. Es git zum Glück aber o z Gägeteu, das heisst erfahreni Riter u de chame ab und zue ä Galopp ilege. Das isch de scho viu fägiger! Am Afang hani mi rächt müesse dragwöhne, wi si hie rite. Ä mischig us Änglisch und Western. Aber z auerschwirigste isch gsi z lehre wie me vom Ross us d Zuungatter vo de Schafweide uf und zue tuet. Das cha no trickrich si, d Ross hie wüsse zwar genau wie si d Gatter müesse stosse, aber mängisch wot es Schaf oder ä Chue zwüschdüre use... We beidi Usritte düre si gönne mir üs meistens es Bad im See oder mir gö zum Sam( mi Grosspapa hie) ufnes Glas Wi verbi. Am Abe giz när meistens Fiumabe mit dr Familie.

Mini Lieblinge im RägemantelKnabberzärtlichkeitenAlfie z 4jährige babyPeanutZ oberscht uf dr FarmDr TK mi liebling

Afang vom TrekDüre Busch...

 

Am Abe wo mini Cheffin hie het Geburi gha, het si üs zumne Maori-Konzärt-Ässe iglade. Mir hei zersch dänkt das sig eifach sone Touristeattraktion. Es isch aber sehr beidruckend gsi, und me het z Gfüeu gha, dases ihne sehr wichtig isch üs ihri Kultur nöcherzbringe. Am Afang bevor mir iz Dorf ine hei dörfe, hei si ä haka(Kriegstanz ufgfüehrt) während däm darfme nid Lache, was zimlech schwirig isch, wüu si di ganz Zyt Grimasse mache und d Zunge usestrecke. Nachdäm heimer när ines chlises nachebouts Dorf chönne wo si üs vrschidnigi Sache wie d Schnitzerei und z Tanze hei zeigt. Nachdäm hets de ändlech z ässe usem Härdofe gäh. Das Ässe( Fleisch, Gmües und Fisch) wird auso für 3 Stung mit heisse Steine im Härd vrgrabe. Es isch no faszinierend wi si das mache und aus blibt drbi schön saftig. Das ganze nennt sech Hangi. Nachem ässe hets de när no es Konzärt gä. I ha so chli Indiandergsang erwartet, aber es isch zimlech angers gsi, viu melodiöser. Maori isch uf jede Fau sehr ä beidruckendi Kultur!

Maori SchnitzereiIgang zum DorfHangiHaka

 

Jede Dsischti abe gö mini Gasteutere hie i Usgang u mir woofer si zu Sam und Fenella, de New Zealand Grandparents, wie si sech nenne iglade. Dr Sam isch ä ächte Kiwi, Jeger, Bärgstiger und het für viu grossi Farme gschaffet. Är het chli ä Schwechi für d Schwiz u bi ihm im wohnzimmer hange doch ärnschthaft eiger mönch und jungfrou! D Fenella isch ä sehr eleganti Lady mit emne begehbare Chleiderschaft und ere ungloubleche Huetsammlig. Dr Sam isch ä super Choch und letschts mau hetr vorgschlage, dasmr ä glamouröse Abe mache und üs aui useputze. Das heimer natürlech gmacht, und wüu mir nid so eleganti Chleider drbi hei gha, heimer es paar vor Fenella dörfe uslehne. Es isch sehr ä lustige Abe worde, dr Sam isch sogar im Kilt cho!

Sam&FenellaBella&igRainbow over okareka

 

Amne angere freie Nami simer z vulkanische Valley Waimangu ga besichtige. Das ich zum Glück eis wo nid so nach Schwäfu stinkt! überau hets chochendi Seene, Geysire und ungloublech farbigi Schwäfuablagerige. Da merkt me wie "nöi" und unsicher die Gägend hie isch o we dr letscht Vulkanusbruch scho sehr lang här isch.

See über 60 grad heissDampfendi QuelleMini Geysirinferno craterig im Schwäfudampf

So, und iz geits ab nach Wellinton! :)

19November
2013

1. Woche auf Longfords Farm

Endlich kann ich euch hier etwas erzählen, da ich nach einer Woche doch tatsächlich einen Adapter für meinen Laptop gefunden habe!

Arbeiten auf einer Farm habe ich mir ganz ehrlich ein bisschen anders vorgestellt. Erstens wohne ich gar nicht direkt auf der Farm, sondern in einem Haus direkt am See. Der ganze untere Stock gehört uns Woofern, wir essen aber mit der Familie.

 

Mein Zuhause für die nächsten 5 Wochen

Als wäre dieses Haus allein nicht schon toll genug, hat meine Familie hier( Lucy, John und der Sohn Charles 11) ein Motorboot, mehrere Kajaks und einen Whirlpool. Das alles können wir selbstverständlich in unserer Freizeit benutzen!

Und Freizeit gibt es ab und zu, wenn gerade keine Horsetrekkings stattfinden. Entweder paddelt man dan gemütlich über den Lake Okareka oder man versuch sich im Wakeboarden und entspannt dann im heimischen Whirlpool.

Man glaubt es kaum, aber ich habe mich ans Wakeboarden gewagt und konnte mich schon beim zweiten Versuch auf dem Brett halten! Meine Haltung ist noch leicht verbesserungswürdig, aber es macht einen riiiesen Spass! ;)

kajakfahren auf lake okarekaerste Wakeboardversuche

 

13November
2013

Paihia

Exgüse, i chume no nid ganz e so z'schlag, mit dem blogge, aber es chunnt guet :) Nachdäm dass d'Lea witer isch gange, si z'Kätti und i no lenger in Auckland blibe und hei bire Bekannte vo ihre gwohnt. Hie si d'Vorstellige vom Läbe chli anders aus bi üs.  Di Bekannti het e Ma und isch verhüratet, aber beidi hei es eigets Hus und wohne separat. Dr Sohn vo ihre het e Fründin us Paris, er isch 30, wohnt no ire WG und schaffet mau chli ire Art Gallery, denn renovierter es Hus oder het grad nüt ztüe. Aues isch so chli easy going... Oder de giz mau es Open-Air Konzert im ne Park for free, aui bringe es Pic-Nic mit und verbringe dr Sunnti so. Aues isch hie eifach viu lockerer :) z'Kätti u i si de när mittem Bus witer nach Paihia, wo mir im Moment si. Es Dörfli im Norde, härzig mit Beizlis und schönem Beach. Mir si imne Backpacker Hostel u hei eigenltech 2 Bett im ne Mehrbettzimmer buechet, aber irgendwie het ds nid klappet u drum si mir jtz füre glich Pris im ne 2er Zimmer :) :) Hüt hei mir e Marsch zume ne Wasserfau gmacht und ungerwägs 2 Kiwis troffe, wo hei gfragt, wohär mir si. Uf üsi Antwort abe isch di ersti Frag gsi: Kennet dir dr Roger Federer? Ds isch so d'Standartfrag, sobaud öpper weiss, dass mir Schwizer si :) Ufem Rückwäg simer bim ne schöne aute Schiff verbi cho, wo zum ne Restaurant isch umfunktioniert worde. Dert hei mir üs Fish 'nd Chips gönnt. Meeeega fein gsi! So, jtz hani gloub gnue gschribe :) Häbets guet u bis zum nächschte mau, Lena

13November
2013

Auckland - Whitford

Hallo liebe Freunde, Bekannte, Verwandte etc.

I bi mittlerwile scho fasch e Monet in Neuseeland und ha scho e Huufe erläbt! Ha ufem ne Wiguet gschaffet, woni a teune Täg dänkt ha, so öppis asträngends hani i mim Läbe no nie gmacht, u a angerne Täg isch Zit fasch nid verbi, wüus chum öppis ztüe het gäh! Zum Bispiu hei mir Cowshit mit Wasser in ne rise Fass müesse uflöse und mittem ne säube baschtlete Paddu im ne gwüsse Rythmus und  Art u Wis müesse rühere, damit d'Energie usem Universum cha drifliesse! Mir hei üs rächt amüsiert über di Dänkwis und hei emu rächti Oberarme übercho vom vile Rühere ;) Dä Trank het me när e eire Stund müesse a d'Räbe sprütze, i däm me mitem ne Ghüderbäseli und em ne Chessu vou vo däm Zügs dür die Räbene isch gloffe und mittem Bäseli es rise 8ti gschwunge. U we drzue no d'Sunne schiint, wird ds extrem astängend! A angerne Tage hei mir bruchti Wifläsche müesse schnide, damit dr unger Teil fürnes Trinkglas cha brucht wärde. U damit me sech bim Trinke nid schnidt, hei mir di Ränder mit Schlifpapier müesse glatt schlife...Zit isch chum verbi...

Gwohnt hei mir ire umbounige Garage, ähnlech wi ire WG. Es si no 5 anderi dert gsi, vo Frankrich, USA u Dütschland. Ds het gfägt, Lüt so lehre zkenne, indäm me zäme wohnt, schaffet und Freizit verbringt. Es isch nid lang gange u mir si wine Family gsi :) Dr Abschid isch drum o umso herter gsi. z'Kätti wo bereits scho in Whitford ufem Wiguet isch gsi, u i si de zäme witer nach oder besser gseit zrüg nach Auckland, d'Lea a Flughafe gah abhole :)  Es isch es super Gfüheu gsi, am andere Ändi vor Wäut uf öpper zwarte, wo me kennt. Mir hei 2 Nächt in Auckland verbracht und hei dQueenstreet, isch wi d'Spitalgasse z'Bärn, eifach viu grösser, abklapperet und dr Hafe beguetachtet. 

13Oktober
2013

Bald geht es los

Lena fliegt schon am 15. Oktober ans Ende der Welt und Lea folgt ihr dann am 5. November!